Partia Socialiste ka zyrtarizuar Brunilda Mersinin si kandidate për Bashkinë e Vlorës në zgjedhjet e pjesshme të 9 nëntorit, duke i besuar për herë të parë një gruaje garën për drejtimin e qytetit bregdetar.
Mersini, aktualisht deputete e PS në qarkun e Vlorës, do të duhet të lërë mandatin për t’u përfshirë në fushatën elektorale. Vendin e saj në Kuvend pritet ta marrë Briseida Çakërri, e cila renditej pas saj në listën zgjedhore të 11 majit.
Që nga viti 1912, Vlora ka pasur 24 kryetarë bashkie, të gjithë burra — dhe kandidimi i Mersinit shënon një moment historik për përfaqësimin e grave në politikën vendore.
