Këshilli i Ministrave ka miratuar sot emërimin e Evis Allushit si prefekte e re e Qarkut të Vlorës, duke zëvendësuar në këtë detyrë Plator Nesturin.
Vendimi është firmosur nga kryeministri Edi Rama, me propozim të ministrit të Brendshëm, dhe hyn në fuqi menjëherë, sipas publikimit në Fletoren Zyrtare.

Emërimi i Allushit vjen në një moment të rëndësishëm për qarkun bregdetar, në prag të zgjedhjeve të pjesshme lokale për Bashkinë e Vlorës dhe procesit të riorganizimit të strukturave vendore.
Ky ndryshim shënon gjithashtu përmbylljen e ciklit të lëvizjeve të fundit në administratën territoriale.