Lajmi:
Policia ka vënë në pranga Sindi Syzon, 30 vjeç, autorin e dyshuar të plagosjes së Nikola Agollit, ngjarje e ndodhur më 11 janar 2025 në lagjen nr. 1 të Pogradecit.

Gjykata e Korçës ka caktuar ndaj tij masën e sigurisë “arrest me burg”, për veprën penale “Vrasja me dashje”, mbetur në tentativë.

Sipas hetimeve, konflikti mes dy të rinjve ka ndodhur për motive të dobëta, teksa Syzo është futur në berberhanen ku ndodhej Agolli, i cili po qethej, dhe e ka sulmuar me mjet prerës.

Pas ngjarjes, agresori u largua me shpejtësi nga vendi, ndërsa Agolli u dërgua në spital me plagë në kokë dhe në krah.

Policia njofton se 30-vjeçari është një person me precedentë problematikë, i njohur më parë për konflikte të tjera në qytet. Hetimet vijojnë për sqarimin e plotë të rrethanave të sulmit.