Një vatër zjarri është shfaqur paraditen e kësaj të mërkure në zonën e Kunes, në Shëngjin, duke shkaktuar shqetësim tek banorët lokalë. Sipas informacioneve paraprake, flakët kanë rënë në pjesën e lagunës dhe, për shkak të erës së fortë, janë përhapur me shpejtësi në disa drejtime.
Shkaqet e zjarrit ende nuk dihen, ndërsa banorët raportojnë për tym të dendur që është i dukshëm nga distanca.
Forcat zjarrfikëse ndodhen në terren dhe po punojnë për të vënë situatën nën kontroll, me frikën se zjarri mund të përfshijë edhe pjesë të tjera të zonës së mbrojtur natyrore.
