Ish-kryeministri dhe kryetari aktual i Partisë Demokratike, Sali Berisha, feston sot 81-vjetorin e lindjes. Me këtë rast, ai ka ndarë një mesazh reflektues dhe mirënjohës në rrjetet sociale, duke falënderuar Zotin, familjen dhe mbështetësit e tij politikë.

“Sot 81 vjeç! Mirënjohje të pakufishme Zotit të Madh, familjes time, miqve, bashkëpunëtorëve, dashamirësve dhe mbështetësve të betejave të mia që me dashurinë, ndihmën, guximin e përkushtimin e tyre ma bëjnë vjeshtën, stinën kurorë të jetës time,” – shkruan Berisha në Facebook.

Pavarësisht moshës dhe sfidave politike, Berisha mbetet një nga figurat më të rëndësishme dhe më me ndikim në jetën publike shqiptare, duke vijuar të udhëheqë opozitën.

Sali Berisha ka shërbyer si President i Republikës (1992–1997) dhe më pas si Kryeministër (2005–2013), duke lënë një gjurmë të thellë në historinë politike të vendit.