Reperi Fero do të jetë i ftuari i radhës në podcastin e Arbana Osmanit, dhe publikimi i trilerit ka ndezur menjëherë diskutime në rrjetet sociale. Në fragmentin e shkurtër që qarkulloi sot, reperi shihet i prekur emocionalisht, duke rrëfyer për herë të parë pas një kohe të gjatë lidhur me akuzat që e kanë përfshirë dhe marrëdhënien me vajzën e tij.

“Nuk e kam dhunuar unë atë… nuk e do njeri vajzën tem më shumë sesa unë. Të lutem, mundësoma me pa çikën,” dëgjohet Fero duke thënë në video.

Deklarata e tij vjen pas periudhës së trazuar që pasoi ndarjen e bujshme me modelen dhe influenceren Arbenita Ismajli. Çifti, i cili dikur konsiderohej ndër më të komentuarit në showbiz-in shqiptar, u përfshi në debate publike dhe akuza të ndërsjella, të cilat kulmuan me publikimin e dokumenteve dhe deklaratave për dhunë në familje.

Fero dhe Arbenita kanë bashkë një vajzë, të cilën reperi nuk e ka parë për një kohë të gjatë. Në këtë intervistë, ai duket se synon të tregojë versionin e tij të ngjarjeve, ndërsa fjalët e tij kanë prekur shumë ndjekës, të cilët janë ndarë mes mbështetjes dhe kritikave në rrjetet sociale.