Agjencia Rregullatore e Barnave dhe Produkteve të Kujdesit Shëndetësor (MHRA) njoftoi këtë javë sekuestrimin më të madh të barnave të paligjshme për humbje peshe që është regjistruar ndonjëherë në Mbretërinë e Bashkuar.

Operacioni dy-ditor u zhvillua në një depo në Northampton, ku autoritetet bastisën një fabrikë që prodhonte injeksione të palicencuara. Në total, u sekuestruan:

2,000 shiringa me substancat tirzepatide dhe retatrutide, barna të paaprovuar në Mbretërinë e Bashkuar për humbje peshe,

Dhjetëra mijëra shiringa bosh,
Kimikate të papërpunuara, dhe
Afërsidht 20,000 paund në para të gatshme, që lidhen me tregtinë e paligjshme të barnave.

Vlera totale e mallrave të sekuestruara tejkalon 250,000 paund, duke e bërë këtë rast një nga goditjet më të mëdha kundër tregtisë ilegale të barnave për dobësim në Anglinë qendrore.

Sekretari i Shëndetësisë, Wes Streeting, e quajti operacionin një fitore të rëndësishme:

“Ky është një hap i madh në luftën kundër kriminelëve të paturpshëm që rrezikojnë jetën e njerëzve duke shitur ilaçe të paligjshme dhe të rrezikshme për humbje peshe, vetëm për të përfituar para të shpejta.”

MHRA njoftoi se hetimet do të vazhdojnë për të identifikuar të gjithë personat e përfshirë në këtë rrjet të trafikut të barnave dhe për të parandaluar shpërndarjen e mëtejshme të substancave të rrezikshme.