Një lajm i trishtë ka prekur këngëtarin e njohur grek Notis Sfakianakis, pasi gruaja e tij, Keeley, ndërroi jetë më 2 nëntor, ditëlindja e artistit.

Lajmi u bë i ditur përmes një postimi në Instagram nga gazetarja greke Roula Hamou:

“E bukura, e sjellshme dhe zemërmira, Keeley Sfakianakis nuk është më me ne që nga dje. Ajo u largua natën e ditëlindjes së Notis. Ne ishim me fat që e njohëm. Keeley, të dua.”

Vetë Notis Sfakianakis ka ndarë një postim prekës në rrjetet sociale, ku shkruan:

“Nuk ekzistojnë fjalët, vetëm heshtje,”
dhe në foton e bashkangjitur shihet i afërt me gruan e tij të ndjerë.

Lajmi ka sjellë trishtim mes fansave dhe komunitetit muzikor grek, që e njohin çiftin si një nga më të dashurit dhe të respektuarit në skenën artistike.