Një delegacion i Policisë së Kosovës zhvilloi një vizitë zyrtare në Drejtorinë e Policisë së Kroacisë më 5 dhe 6 nëntor, ku u mbajt një takim pune mes shefit të policisë kroate, Nikola Milina, dhe atij të Kosovës, Gazmend Hoxha.
Gjatë takimit u vlerësua bashkëpunimi i deritanishëm mes dy forcave policore, veçanërisht në fushën e policisë kriminale, bazë dhe kufitare. Një ndër temat kryesore ishte edhe pjesëmarrja e Policisë së Kosovës në projektin kroat “Destinacioni i sigurt turistik”, i cili synon rritjen e sigurisë për turistët gjatë sezonit veror.
Të dyja palët shprehën kënaqësi për nivelin aktual të bashkëpunimit dhe ranë dakord të thellojnë partneritetin në fusha të tjera të sigurisë dhe shkëmbimit të informacionit policor, në kuadër të forcimit të bashkëpunimit rajonal.
