Autoriteti Kombëtar i Ushqimit (AKU) në Shkodër ka bllokuar një kamion me 25 ton misër që vinte nga Serbia, në doganën e Hanit të Hotit, pasi në sasinë e misrit u gjet prania e aplatoksinës B1 mbi normat e lejuara për Shqipërinë.
Kamioni ishte duke hyrë drejt Shqipërisë nga Mali i Zi, me destinacion final qytetin e Elbasanit, ndërsa bëhet fjalë për misër blegtoral “refuzho”. Bllokimi ndodh pasi normat shqiptare për këtë mykotoksinë janë më të rrepta se ato të BE-së.
AKU njofton se aksioni vazhdon dhe se procedurat për bllokimin e sasive të tjera të misrit po kryhen aktualisht në doganë. Gjithashtu, një fermë qumështi në fshatin Trush është bllokuar për shkak të disa parregullsive të konstatuara.
