Berisha: “Në Shqipëri është instaluar një regjim, vota e qytetarëve është e pavlerë”
Pas një mbledhjeje me krerët e degëve të Partisë Demokratike, Sali Berisha deklaroi se Shqipëria ndodhet nën kontrollin e një regjimi që shkel procesin demokratik dhe përdor potencialet e shtetit për të grabitur votën e qytetarëve.
Lidhje me grupe kriminale dhe aleatë të qeverisë, që sipas tij pengojnë qytetarët të ushtrojnë të drejtën e votës.
Ai theksoi se ky regjim ka si qëllim të qëndrojë në pushtet në mënyrë të pandalshme dhe të programuar, duke bërë votën e qytetarëve të pavlerë dhe duke përdorur çdo mjet për të ruajtur kontrollin.
“Jemi në një situatë ku është instaluar regjimi. U shpalos me shëmtinë e tij dhunimi masiv i votës së lirë të shqiptarëve, përdorimi i potencialeve të shtetit për të grabitur votën, si dhe aleatët e qeverisë dhe bandat kriminale që pengojnë qytetarët të votojnë lirshëm. Në mënyrë të programuar, çdo kusht dhe çmim përdoret për të qëndruar në pushtet, dhe vota e shqiptarëve është e pavlerë për të,” deklaroi Berisha.
Ky qëndrim tregon ofensivën e PD-së kundër qeverisë dhe përpjekjen për të denoncuar siç e quan Berisha, dhunimin e procesit zgjedhor dhe kontrollin e pushtetit nga mazhoranca aktuale.
