Këngëtarja e njohur Parashqevi Simaku ka ndarë një dedikim të ndjerë në rrjetet sociale për djalin e saj, Luke, të cilin nuk e ka parë prej 11 muajsh. Ajo thekson se ndarja e tyre ka ardhur për shkak të rrethanave, dhe jo për mungesën e dashurisë.

Simaku shprehet se gjatë bisedave telefonike, djali i saj ka qenë i ftohtë, por ajo nuk e gjykon dhe vazhdon ta dojë në heshtje, duke e konsideruar çdo fjalë të tij me peshën e botës.

Në dedikimin e saj të ndjerë, Simaku shkruan:

“Rrethanat na ndanë, jo dashuria… edhe ato tre herë që kemi folur në telefon, fjala jote ishte e ftohtë, si e drejtuar ndaj një të huaji, jo ndaj nënës. Edhe kështu, çdo fjalë e jotja kishte peshën e botës.”

Ajo kujton momentet kur Luke e ka përqafuar dhe ndjen se çdo vuajtje bëhet më e lehtë kur ai është pranë. Parashqevi Simaku përfundon me një mesazh të fuqishëm për të birin:

“Mos harro, biri im, një ditë edhe ti do të bëhesh prind. Atëherë do ta kuptosh se çfarë ndjen një nënë dhe sa shumë do të kalonte oqeane dhe vite vetëm që fëmija i saj të ishte i lumtur.”

Postimi i saj ka prekur zemrat e fansave dhe komunitetit, duke shfaqur dashurinë e pakushtëzuar të një nëne pavarësisht largësisë dhe kohës.