Linda Rei është banorja më e re që i shtohet shtëpisë së Big Brother VIP Kosova, duke u bërë kështu pjesëmarrësja e 11-të në këtë edicion.

Me një hyrje plot vetëbesim, Linda u shpreh se është e gatshme të përballet me çdo sfidë që mund t’i dalë përpara brenda shtëpisë më të famshme në vend.

“Vendosa të hyj në Big Brother sepse ndjej veten gati të përballoj çfarëdo sfide. Jam shumë rehat me veten time dhe do jem e zonja për t’ia dalë,” deklaroi ajo para se të hynte në shtëpi.

Hyrja e saj pritet të sjellë dinamika të reja dhe energji të forta në lojë, ndërsa publiku tashmë është kurioz të shohë se si do të ndikojë prezenca e saj në marrëdhëniet mes banorëve.