Një aksident rrugor u regjistrua mesditën e kësaj të shtune në aksin Lushnjë–Rrogozhinë, pranë rrethrrotullimit të Grabjanit. Dy automjete u përplasën me njëri-tjetrin, ndërsa njëri prej tyre përfundoi i përfshirë nga flakët.

Sipas të dhënave paraprake, një mjet tip Ford ka goditur nga pas një BMW-je. Për shkak të goditjes, Ford-i ka marrë flakë menjëherë pas përplasjes. Fatmirësisht, drejtuesi i tij ka arritur të dalë në kohë nga automjeti dhe ka pësuar vetëm dëmtime të lehta.

Shkaqet e aksidentit mbeten ende të paqarta, ndërsa policia ndodhet në vendngjarje dhe po punon për sqarimin e rrethanave.