Policia Kufitare në Kosovë ka sekuestruar një sasi të madhe lënde shpërthyese gjatë një kontrolli rutinë në pikën kufitare, në bashkëpunim me zyrtarët doganorë.

Një automjet i tipit furgon u përzgjodh për kontroll të detajuar dhe u dërgua në vijën e dytë të inspektimit. Gjatë verifikimeve, drejtuesi i mjetit deklaroi se nuk kishte mallra për të deklaruar, por kontrolli fizik zbuluoi të kundërtën.

Në bagazhin e furgonit, të kamufluar mes pajisjeve të peshkimit, u gjetën rreth 300 kilogramë lëndë shpërthyese, të paketuar në thasë dhe pako. Sasia e madhe e eksplozivit u sekuestrua menjëherë nga autoritetet.

Ndërkohë, është hapur një hetim për zbardhjen e origjinës së lëndës shpërthyese, destinacionin përfundimtar dhe personat e përfshirë në transportin e saj.