Lushnje – Një aksident i frikshëm ka ndodhur këtë mëngjes në aksin Lushnje-Rrogozhinë, ku një makinë tip “Toyota” ka goditur nga pas një furgon të OSHEE.
Sipas raportimeve, shkak i aksidentit ka qenë mosmbajtja e distancës nga shoferja e makinës, e cila ka goditur furgonin nga pas. Pas përplasjes, makina ka shpërthyer në flakë, duke krijuar situatë të rrezikshme për përdoruesit e rrugës.
Në automjet ishin gruaja dhe dy fëmijët e saj, të cilët fatmirësisht nuk kanë pësuar lëndime. Megjithatë, aksidenti ka shkaktuar bllokim të trafikut rreth 3 km.
Forcat e policisë kanë mbërritur në vendngjarje dhe po vijojnë punën për të menaxhuar trafikun dhe hetuar shkaqet e aksidentit.
