Kreu i Grupit Parlamentar të PD-së, Gazment Bardhi, reagoi pas video-mesazhit të kryeministrit Edi Rama lidhur me pezullimin e ministres Belinda Balluku. Sipas Bardhit, përpjekja e Ramës për të justifikuar vendimin e Gjykatës Kushtetuese dhe Opinionin e Venecias tregon se kryeministri është vetë palë në proces.

“Risia e të folurës vetëvete ishte se Edi Rama pranoi se ai është palë në procesin gjyqësor të Ballukut, njësoj siç është palë në aferën korruptive të Tunelit të Llogarasë. Në këtë kuptim, prokurori i SPAK dhe gjyqtari i GJKKO duhet ta thërrasin herës tjetër si palë në korrupsion krah për krah me të pandehurën Balluku”, shkruan Bardhi.

Deputeti demokrat shton se “Balluku e mban peng kryeministrin me aferat korruptive”, duke e paraqitur situatën si një lidhje të drejtpërdrejtë mes qeverisjes dhe proceseve penale në vend.