Një person me inicialet N. Gj, banues në Lezhë, është shoqëruar mbrëmjen e sotme në Policinë e Elbasanit, pasi dyshohet se ka përdorur automjetin tip Audi, i cili mendohet të jetë përdorur në ekzekutimin e biznesmenit Mondi Mehalla.

Sipas burimeve të gazetares Klodiana Lala, i riu është fiksuar nga kamerat e sigurisë në Rrugën e Kombit, në momentin që kryente pagesën në traut e autostradës, duke përdorur pikërisht automjetin që më vonë u identifikua nga hetuesit si mjeti i përdorur në skemën e krimit.

Burime nga grupi hetimor konfirmojnë se policia ka shoqëruar Naldo Gjinin, i cili aktualisht po verifikohet lidhur me përdorimin e automjetit gjatë ditëve të fundit. Dyshimet janë se Audi në fjalë është përdorur për të lëvizur autorët para dhe pas ekzekutimit të biznesmenit Mehalla.

Ndërkohë, hetimet për zbardhjen e plotë të ngjarjes vijojnë në disa pista, përfshirë lëvizjet e mjetit, personat që e kanë përdorur dhe lidhjet e mundshme me autorët e vrasjes.