Sot Shqipëria do të vijojë me një ditë të ftohtë dimërore. Vranësirat mbizotërojnë në veri dhe qendër, ku herë pas here priten reshje shiu që në lartësi mbi 900 metra mund të shndërrohen në dëborë. Në jug dhe në bregdet moti mbetet me vranësira mesatare, me intervale kthjellimesh dhe lagështi të lartë.

Era fryn nga juglindja me intensitet të mesëm duke rritur ndjesinë e ftohtësisë, ndërsa temperaturat e mëngjesit luhaten nga 1 deri në 6 gradë, ndërsa gjatë ditës ngjiten lehtë deri në 8-13 gradë, më të ulëta në zonat malore ku mund të zbresin deri në 0 gradë.