Policia e Tiranës ka finalizuar një operacion të suksesshëm ndaj armëmbajtjes pa leje dhe shpërndarjes së lëndëve narkotike, duke vënë në pranga dy shtetas. Gjatë kontrollit të automjetit ku udhëtonin të dy, uniformat blu kanë gjetur një arsenal të plotë armësh dhe sasi lënde narkotike.

Në cilësinë e provës materiale u sekuestruan:
2 armë zjarri,
2 armë gjahu,
1 armë e ftohtë,
municion luftarak,
si dhe një sasi lënde narkotike.

Njëri prej të arrestuarve rezulton të ketë precedent të mëparshëm penal për krime kundër personit, çka e rëndon edhe më shumë pozitën e tij para drejtësisë.

Policia po vijon hetimet për të zbuluar nëse armët dhe droga ishin pjesë e një aktiviteti kriminal më të gjerë.