Biletat për Kupën e Botës 2026, që do të zhvillohet në SHBA, Kanada dhe Meksikë, po tregojnë një trend të jashtëzakonshëm: disa prej tyre shiten mbi 1000 euro, duke tejkaluar çmimet e edicionit të fundit në Katar 2022.

Sipas mediave britanike dhe franceze, tifozët mund të përballen me shpenzime që arrijnë deri në dyfishin e biletave të Botërorit të fundit, megjithëse FIFA ka premtuar se do të ofrojë një pjesë të biletave me çmim të reduktuar, të destinuara për organizatat zyrtare të tifozëve të federatave kombëtare.

“Angazhimi ynë është të garantojmë akses të drejtë për tifozët tanë aktualë dhe ata të ardhshëm,” deklaroi FIFA, e cila para shortit në SHBA kishte shitur tashmë mbi dy milionë bileta.

Dritarja tjetër për blerjen e biletave është planifikuar për më 11 dhjetor.