Në ceremoninë e 35-vjetorit të Partisë Demokratike, drejtuesi i Departamentit ‘Brain Gain’, Ted Kopliku, theksoi rëndësinë e strukturës që ka si synim kthimin dhe mbajtjen e kapaciteteve intelektuale në vend. Ai e paraqiti Brain Gain si një provë se PD vazhdon të frymëzojë brezin e parë të lindur dhe të rritur në demokraci.
“Si dje, sot Partia Demokratike ka misionin dhe detyren t’i kthejë lirinë shqiptarëve. Si dje, sot kjo parti ka përballë binjtë e atij barku që s’mbet kurr shterpë. Si dje, sot kjo parti politike ka rreth saj burra e gra, të rinj e të reja që janë gati të paguajnë çdo çmim. Çdo çmim me të cilin paguhet liria. Ne jena bijtë e asaj lirie që Partia Demokratike ka sjell dhe duan ta na rrëmbejnë po ata që na e kan mohu gjysëm shekulli dhe na kanë përballë. Ne jemi partia që është rrëzuar, por ka ditur të ngrihet gjithmonë. Ne nuk ikim, ne qëndrojmë, ne fitojmë,” deklaroi Kopliku gjatë fjalës së tij.
Ai shpjegoi se kthimi dhe mbajtja e trurit ka qenë dhe mbetet prioritet i PD-së, ndryshe nga qeveria aktuale që sipas tij largon kapacitetet intelektuale dhe potencialet ekonomike të vendit. Kopliku theksoi gjithashtu sukseset e Departamentit Brain Gain, përfshirë projektin e Librit të Punëve të Mira, i cili dokumenton arritjet më të mëdha të vendit me firmën e PD-së dhe përpiqet të informojë brezin e ri për të vërtetën që shpesh mbulohet nga propaganda e partisë-shtet.
Ai përfundoi fjalën duke lidhur rëndësinë e këtij departamenti me frymën e PD-së: rikthimin e krenarisë së militantit demokrat dhe mbështetjen e breznive të reja për të vazhduar misionin historik të partisë.
