Dy të rinj janë arrestuar tek Komuna e Parisit në Tiranë, pasi u kapën në flagrancë duke shitur drogë.

Sipas njoftimit të Policisë, shtetasit A.V. dhe E.DH., 33 vjeç, të dy banues në Tiranë, u kapën me 250 gramë lëndë narkotike të dyshuar kokainë, të cilën dyshohet se do ta shisnin në lokalet e zonës.

Arrestimi u realizua si rezultat i operacionit policor të koduar “Target”. Specialistët e Seksionit për Hetimin e Narkotikëve, në vijim të punës intensive për evidentimin dhe goditjen e veprimtarive kriminale në fushën e narkotikëve, bazuar edhe në informacionet operative të siguruara, organizuan dhe finalizuan këtë operacion.

Dy të rinjtë ndodhen nën hetim, ndërsa policia vijon punën për të identifikuar rrjetet e shitjes së drogës në zonë dhe për të parandaluar shpërndarjen e mëtejshme të lëndëve narkotike.