Instagram po eksperimenton me një funksion të ri, të quajtur “Your Algorithm” (Algoritmi juaj), i cili u jep përdoruesve mundësinë të rregullojnë manualisht temat që shfaqen në seksionin Reels.

Funksioni lejon përdoruesit të shohin listën e temave që Instagram mendon se mund t’u interesojnë, bazuar në aktivitetin e tyre të mëparshëm, dhe të shtojnë ose hiqnin tema sipas preferencave. Ky ndryshim u ofron përdoruesve më shumë kontroll mbi përmbajtjen që shfaqet në ‘feed’, duke e bërë atë më të personalizuar dhe të lidhur me interesat e tyre, si muzika, sporti, moda apo arsimi.

Momentalisht, funksioni është i disponueshëm vetëm për një grup të limituar përdoruesish, por pritet të bëhet global në ditët në vijim. Instagram thekson se kjo është një fazë testimi dhe qëllimi është t’i japë përdoruesve një përvojë më të drejtë dhe të personalizuar në platformë.