Angelo Haruni dhe Seno Fishta kanë nisur analizat dhe komentet e para mbi banorët e shtëpisë më të famshme në Shqipëri, “Big Brother VIP Albania 5”, duke ndarë mendime të ndryshme për dinamikat dhe karakteret që po shfaqen në ditët e para të lojës.

Gjatë një diskutimi mes tyre, Seno Fishta u ndal fillimisht te Lorna, për të cilën u shpreh se e sheh si një vajzë pozitive dhe se i pëlqen shumë prania e saj në shtëpi. Ai theksoi se nuk bëhet fjalë për emocione të çastit, por për vlerësim të karakterit.

Ndërkohë, Angelo Haruni kishte një këndvështrim tjetër, duke theksuar se nuk e sheh Lornën si një banore luftarake.
“Nuk e shoh luftarake, e shoh më shumë gërricëse,” u shpreh Haruni.

Seno komentoi gjithashtu edhe banoret më të reja në moshë, duke u ndalur te Seli, për të cilën tha se i vjen keq pasi është më e vogla e shtëpisë, ndërsa për Brikenën u shpreh se e sheh si një vajzë të pa djallëzuar.
“Po më vjen keq për Selin që është më e vogla dhe Bikena që është e pa djallëzuar,” tha ai.

Nga ana tjetër, Angelo u shpreh se disa prej banoreve i sheh shumë agresive dhe të prirura për të ndjekur “rrymën” e shtëpisë, duke theksuar se problemi nuk është agresiviteti në vetvete, por mungesa e individualitetit.

Diskutimi u mbyll me një thirrje nga Seno për më shumë debate brenda shtëpisë, por të bazuara në argumente.
“Duhet të fillojmë të bëjmë debate, se u bëmë si të shtëpisë. Duhet të debatojmë edhe me argumente,” u shpreh ai, ndërsa Angelo theksoi se këto dinamika do të zhvillohen gradualisht.

Komentet e dy banorëve tregojnë se BBVIP 5 po hyn ngadalë në fazën e krijimit të aleancave dhe përplasjeve të para, duke rritur pritshmëritë për debatet që priten në vijim.