Dy persona, babë e bir, janë shpallur në kërkim nga Policia e Vlorës, pasi akuzohen se kanë ushtruar dhunë fizike ndaj një 65-vjeçari në fshatin Treblov.
Sipas njoftimit zyrtar të Policisë, shtetasit R. Ll., 67 vjeç dhe A. Ll., 29 vjeç, kanë shkuar në banesën e shtetasit K. Ll., 65 vjeç, ku dyshohet se e kanë goditur atë fizikisht dhe me sende të forta. Shkaqet e konfliktit mbeten ende të paqarta.
“Specialistët për Hetimin e Krimeve në Komisariatin e Policisë Vlorë referuan materialet në Prokurori dhe shpallën në kërkim shtetasit R. Ll., 67 vjeç dhe A. Ll., 29 vjeç, babë e bir, banues në fshatin Treblov, pasi më datë 22.12.2025 kanë ushtruar dhunë fizike dhe me sende të forta ndaj shtetasit K. Ll., 65 vjeç”, bëhet me dije në njoftimin e Policëisë.
Grupi hetimor po vijon veprimet për zbardhjen e plotë të rrethanave të ngjarjes, ndërsa po punohet për kapjen dhe shoqërimin e dy shtetasve të shpallur në kërkim.
