Dy vëllezër, Kelmend dhe Klodian Krusa, janë arrestuar nga Policia pasi dyshohen se janë të përfshirë në një vrasje me armë zjarri që ndodhi në vitin 2018 në Dibër. Arrestimi i tyre u realizua në Gjirokastër, ku dyshimet ishin se ata po strehoheshin prej kohësh.
Gjatë kontrolleve në banesat e tyre, policia sekuestroi armë, të cilat do t’i nënshtrohen ekzaminimeve në Institutin e Policisë Shkencore për të verifikuar nëse janë përdorur në ngjarjen e vitit 2018 ose në incidente të tjera kriminale.
Hetimet për zbardhjen e plotë të rrethanave të kësaj vrasjeje dhe përfshirjen e të arrestuarve vazhdojnë nga autoritetet.
