Aktori i njohur hollivudian, Timothée Chalamet, ka bërë histori në karrierën e tij, duke marrë për herë të tretë nominimin për Aktorin më të Mirë në çmimet prestigjioze të Oscars. Nominimi vjen për performancën e tij në filmin Marty Supreme, i cili ka siguruar gjithsej nëntë nominime dhe konsiderohet ndër favoritët kryesorë të këtij sezoni.

Chalamet, 30 vjeç, bëhet aktori më i ri që arrin tre nominime për këtë kategori që nga koha e legjendarit Marlon Brando në vitet ’50. Ai ishte nominua më parë për Call Me By Your Name (2018) dhe A Complete Unknown (2025).

Pas shpalljes së nominimeve, aktori shprehu gëzimin e tij në rrjetet sociale, duke postuar artikuj dhe posterin zyrtar të filmit me mbishkrimin: “ËNDËRR E MADHE!”. Marty Supreme do të shfaqet në kinematë IMAX më 30 janar, ndërsa fansat e Chalamet presin me padurim të shohin performancën që mund t’i sigurojë atij çmimin e madh të Oscar-it.