Shqipëria dhe Mali i Zi po pozicionohen si liderët e Ballkanit Perëndimor në rrugën drejt Bashkimit Europian, me një perspektivë reale për anëtarësim, por në një formë të pjesshme, sipas një forumit të mbajtur nga Instituti Ndërkombëtar i Vjenës për Studime Ekonomike.

Analistët theksuan se pavarësisht pozitës së favorshme, Shqipëria përballet me përqendrim të shqetësueshëm të pushtetit, ndërsa ndikimi i presidentit serb Aleksandër Vuçiç mund të sjellë paqëndrueshmëri në Mal të Zi. Skenari i diskutuar parashikon që vendet të përfshihen në bashkimin ekonomik dhe rregullator të BE-së, pa të drejta të plota politike, duke përfituar nga tregu i brendshëm, fondet strukturore dhe bujqësore, por pa përfaqësim të plotë në Parlamentin Europian dhe pa komisionerë europianë.

Ky model synon të kapërcejë paradoksin aktual të zgjerimit, duke mundësuar integrim ekonomik real për kompanitë shqiptare dhe akses në zinxhirët e prodhimit europian, ndërsa popullsia fiton më shumë të drejta për punë dhe studime në BE, por me kufizime.

Ekspertët e Vjenës nënvizuan se Ballkani Perëndimor ka humbur dekada në pritje dhe përfitimet ekonomike nga procesi i konvergjencës kanë qenë të kufizuara, ndërsa perspektiva makroekonomike mbetet pozitive. Sidoqoftë, mungesa e konkurrueshmërisë dhe nevoja për politika industriale më të mira mbeten sfidat kryesore për rajonin.