Ish-banorja e “Big Brother VIP Albania 3”, Françeska Murati, duket se po nis një fazë të re në jetën personale, pas spekulimeve për fundin e martesës së saj.

Së fundmi, Françeska publikoi disa foto në rrjetet sociale ku shfaqet e buzëqeshur në makinë, pranë një buqete të madhe me trëndafila rozë. Megjithëse nuk ka zbuluar identitetin e personit që qëndron pas këtij gjesti, mbishkrimi i postimit sugjeron një fillim të ri sentimental. “Kur një derë mbyllet, një tjetër derë më e mirë hapet. Ndjehem kaq e bekuar sot që universi më ka sjellë gjithçka që mund të kisha dëshiruar ndonjëherë dhe më shumë,” shkruan ajo.

Gjatë eksperiencës televizive, Françeska ruajti privatësinë e jetës familjare, duke mos komentuar për bashkëshortin e saj. Megjithatë, veprime si shpërngulja në Tiranë së bashku me djalin dhe deklarata e saj virale “ai nuk do të gjejë kurrë më mirë se unë” sugjeruan ndarje të përhershme.

Tani, Françeska duket se po e lë pas të shkuarën dhe po shijon një periudhë më pozitive, duke ndarë me ndjekësit një pjesë të lumturisë së saj personale.