Një ngjarje e rëndë është regjistruar në fshatin Gërnac të Kurbinit.

Një 13-vjeçar me inicialet R. Keçi, është vrarë me armë zjarri në afërsi të banesës së tij.

Sipas burimeve kanë qenë tre fëmijë duke kullotur bagëtitë në mal ku dhe kanë gjetur armën.

Ngjarja është raportuar rreth orës 12:00 të mesnatës në Policinë e Kurbinit. Ishte kryeplaku i fshatit ai që ka telefonuar policinë.

Pasi kanë dërguar bagëtitë në stan kanë nisur të luajnë me armën, e cila fatkeqësisht ka qenë e mbushur dhe për pasojë njëri nga fëmijët ka vdekur në vend.

Paraprakisht dyshohet se i mituri ka shkrepur vetë armën dhe si pasojë nuk ka mundur t’i mbijetojë plagëve të marra, duke ndërruar jetë në vend.

Ndërkohë policia e mbërritur në vendin e ngjarjes po punon për zbardhjen e plotë të saj.