Rabea, bashkëshortja e banorit të Big Brother VIP Albania, Mirit, ka folur për herë të parë publikisht për situatën e shumëdiskutuar mes partnerit të saj dhe Selin, duke iu përgjigjur edhe akuzave të babait të vajzës, i cili e kishte cilësuar Mirin si “pervers”.

Në një intervistë për Top Albania Radio, Rabea theksoi se gjithçka brenda shtëpisë është lojë dhe se përgjegjësia nuk bie vetëm mbi njërin person. “Ti si baba nuk mund t’i japësh gjithë fajin Mirit për atë situatë atje brenda. Shiko njëçik edhe vajzën tënde. Ajo ka marrë disa këshilla nga jashtë, por nuk do ta kuptojë,” tha ajo.

Për raportin mes Mirit dhe Selin, Rabea ishte e prerë: “E shof si marrëdhënie lojë. Thjesht miqësore, lindur nga një detyrim pas Prime të parë. Nuk ka absolutisht ndjenja mes tyre. Secili përfiton nga kjo situatë.”

Ajo sqaroi edhe momentin delikat me vajzën e Mirit, e cila përmendi emrin e Selin si të preferuarën e saj: “Vajza më tha më mbrapa se donte të thoshte Stelin por edhe Selin. Si vajzë e pafajshme, tha atë që kishte në zemër.”

Me humor, Rabea përfundoi intervistën duke treguar se, po të pyetej ajo në një situatë të ngjashme, përgjigjja e saj do të ishte: “Përveç teje më pëlqen Boli (arushi).”