I riu që u mbyt një ditë më parë në plazhin e Tales në Lezhë ishte N/Toger.

Lajmin e ka bërë të ditur ministri i Mbrojtjes, Niko Peleshi, i cili ka shprehur ngushëllime për humbjen e parakohshme të Pavlin Rrasës.

Me anë të një postimi në rrjetet sociale, Peleshi shkruan se i riu pësoi atak kardiak, ndërkohë që ishte duke pushuar me familjen e tij.

Pavlin Rrasa ishte N/Toger në Repartin Ushtarak 1010.

Statusi nga Niko Peleshi

“I hidhëruar nga lajmi për largimin nga jeta e N/Toger Pavlin Rrasa. Pavlini 27 vjeçar pësoi një arrest kardiak ndërkohë që po pushonte me familjen.

I shpreh ngushëllimet e mia më të sinqerta familjes së N/Togerit dhe kolegëve të tij të Repartit Ushtarak 1010”.