Kryetari i bashkisë së Tiranës, Erion Veliaj ka zhvilluar një takim me homologun e Stambollit, i cili është edhe kundërshtari i Presidentit turk Erdogan.

Sipas, Veliajt edhe pse ai është kundërshtari i Erdogan, në takim në ka folur asnjë fjalë të keqe për Presidentin, siç bëjnë disa politikanë në vendin tonë.

Në një intervistë për News24, Veliaj u shpreh se në Lojërat Olipmpike të Parisit mund të marrim rezultate shumë të mira nëse nuk e çojmë vëmendjen tek lufta brenda llojit, apo tek përzirja e politikës. Duke iu përgjigjur akuzave të PD ai tha se nuk duhet të na kaplojë histeria, por të arrijmë rezultate sa më të mira.

“Nuk kam asnjë divergjencë me kryeministrin dhe nuk besoj që do kemi. Ne jemi qytete binjakë. Ne nuk jemi takuar pas pandemisë. Ai po përgatit një forum të kryebashkiakëve të Ballkanit dhe ne po përgatisim “Kryeqytetin e Evropian të Rinisë”. Ajo që të garantoj në dallim nga ne kur kanë të bëjnë me të huaj nuk e shajnë vendin  e tyre siç disa drejtues të shtetit tonë që inatet personale i nxjerrin kundër Shqipërisë në çdo forum ndërkombëtar. Edhe ndaj rivalit të tij kishte vetëm mirësjellje dhe nuk tha asnjë fjalë që do ishte e ngjashme me disa drejtues këtu. Ka të bëje vetëm më koordinimin e dy aktivisteve, asgjë më shumë”– u shpreh Veliaj nga Tokyo.

Veliaj u pyet në fund edhe për bashkëpunimet me bashkinë e Tokios ku tha se është një projekt për ujërat e zeza të Tiranës që pritet të përfundojë.

“Kemi një iniciativë që filloi pas tërmetit. Kemi pasur një konsulencë me bashkinë e Tokios dhe universitetin atje. Duam të çojmë deri në fund një projekt të Tokios të ujrave të zeza në Tiranë”- shtoi Veliaj.