Shtëpia e “Big Brother VIP Kosova” ka kapur sërish vëmendjen e publikut me një moment viral që përfshin yllin turk të serialeve, Demet Özdemir. Londrim Mekaj, gjatë qëndrimit në shtëpi, i ka shprehur admirimin e tij aktores në turqisht: “Demet Özdemir, seni seviyorum canım. Ne yapıyorsun sen?” – një deklaratë që nxiti të qeshura dhe simpati te banorët dhe audienca.

Videoja e këtij momenti u shpërnda shpejt në platformën X (ish-Twitter), ku fansat komentuan dhe bënë shaka për dashurinë e Londrimit ndaj aktores.

Surpriza erdhi nga vetë Demet Özdemir, e cila nga llogaria e saj zyrtare dhe e verifikuar bëri “like” një postim që përmbante videoja e Londrimit, duke treguar se e kishte parë dhe e kishte vlerësuar këtë dedikim. Ky veprim i aktorës u shpërnda gjerësisht nga ndjekësit e “Big Brother VIP Kosova”, duke kthyer momentin në një tjetër episod viral që po qarkullon me ritme të shpejta në rrjetet sociale.