Një 60-vjeçar ka humbur jetën brenda një laboratori mjekësor në rrugën “Reshit Petrela”, në Tiranë, pak momente pasi kishte hyrë për të kryer analiza.

Sipas informacionit paraprak, shtetasi me inicialet H. M. ndodhej në ambientet e pritjes kur është ndjerë keq dhe ka ndërruar jetë. Laboratori ku ndodhi ngjarja nuk është identifikuar me emër nga autoritetet.

Policia bën me dije se, nga të dhënat e para, dyshohet se shkaku i vdekjes ka qenë arresti kardiak, ndërsa rrethanat e plota pritet të sqarohen pas verifikimeve të mëtejshme.

“Në një laborator mjekësor, në rrugën “Reshit Petrela” shtetasi H. M., 60 vjeç, në momentin që ka hyrë në laborator në pritje për të bërë analizat, ka humbur jetën. Paraprakisht, dyshohet se humbja e jetës ka ardhur si pasojë e një arresti kardiak”, thuhet në njoftimin zyrtar të policisë.

Materialet procedurale i janë referuar Prokurorisë së Tiranës për veprime të mëtejshme.