Në prime-in e sotëm, Brikena ka pranuar për herë të parë interesin e saj ndaj Mateos, duke theksuar se ai nuk ka ndjenja për të, por vetëm pëlqim. Banorja shprehu qëndrimin e saj të qartë: megjithëse ndjen pëlqim, Mateo nuk i përgjigjet me të njëjtat emocione.
“Unë ia kam shpjeguar Mateos që opinionet e të tjerëve nuk më interesojnë. Më vjen keq kur e ulin, dhe kjo ndonjëherë bëhet e tepërt. Kam interes për Mateon, më pëlqen si djalë, por nuk shoh që ai ka ndjenja”, tha Brikena.
Ndërkohë, Mateo ka theksuar se nuk i pëlqen pasiguria që ajo tregon: “Mua nuk më bëjnë përshtypje fjalët e banorëve. Ata thonë që po përdorim njëri-tjetrin. Mua më intereson çfarë mendon Brikena. Nëse ajo më beson, çdo gjë është në rregull.”
Tensioni dhe pasiguria mes tyre vazhdojnë të jenë një temë kryesore në shtëpinë e Big Brother VIP, duke ngjallur diskutime mes banorëve për marrëdhënien e çiftit.
