Zbardhet dinamika e aksidentit të rëndë në zonën e Treshit, ku humbi jetën një fëmijë 7-vjeçar. Sipas pamjeve të kamerave dhe dëshmive të mbledhura, ngjarja ka ndodhur sapo semafori u ndez jeshil për automjetet.

Fillimisht, Tomorr Shukullli i kishte dhënë disa monedha të miturit, të cilat i ranë në tokë. Fëmija u përpoq t’i mblidhte dhe aty u përplas nga makina e dytë që lëvizte pas makinës së Shukullit. 55-vjeçari ndaloi menjëherë për të ndihmuar, ndërsa një shofer tjetër 42-vjeçar u largua nga vendi i ngjarjes.

Shukullli e dërgoi të miturin te Spitali i Traumës, duke deklaruar se nuk kishte qenë ai që e përplasi i pari. Pamjet filmike të gjetura më vonë konfirmojnë se fëmija dyshohet se ishte duke lypur në momentin e aksidentit.

Ngjarja ka tronditur komunitetin lokal dhe ka ngritur sërish shqetësime për sigurinë e fëmijëve në rrugët e kryeqytetit.