Pas një operacioni 10-ditor kërkim-shpëtimi, efektivët e Regjimentit të Këmbësorisë së Jugut gjetën trupin e Ilir Kurtit, 42 vjeç, i cili i dha fund jetës duke u vetëhedhur në lumë, në vendin e njohur si “Ura e Blezënkës”, pranë Kanioneve të Osumit në Skrapar.

Më 20 shkurt, në vendngjarje u gjetën motorri me të cilin lëvizte, disa sende personale dhe telefoni i tij, nga i cili rezultoi se 42-vjeçari kishte dërguar një mesazh vëllait, duke treguar vendimin tragjik: “Po hidhem në lumë”.

Familjarët tregojnë se ai kishte kaluar muaj të tërë i mbyllur në vetvete dhe po vuante për ndarjen nga djali i tij, me të cilin nuk fliste prej 7 vitesh, pasi ish-bashkëshortja e kishte marrë djalin me vete në Rumani pas largimit nga Skrapari.