Një pjesë e fjalimit të deputetit të Partisë Demokratike, Agron Gjekmarkaj, gjatë seancës plenare të kësaj të enjteje në Kuvend është bërë objekt ironie nga deputeti socialist, Taulant Balla.

Gjekmarkaj në foltore komentoi me tone ironike ndryshimet e propozuara në rregullore, duke thënë:

“Kur fshihen qyrrat duhet të dënoheni me 30 ditë, kur teshtini 60 ditë. Të ngrihet një komision i virtytit kundër vesit.”

Këtë pjesë të fjalimit Balla e shpërndau në rrjetet sociale, duke shtuar një koment ironik:

“Edhe opozita paska propozime për ndryshime në Rregulloren e Kuvendit. Ky është një lajm i mirë.”

Reagimi i Ballës ka nxitur diskutime dhe komente në rrjetet sociale, ndërsa debati për rregulloren dhe përplasjet mes mazhorancës dhe opozitës vijojnë të shoqërojnë seancat parlamentare.