Armando Cakrani, i cili kishte njoftuar më parë kandidimin për kryetar të Degës së Partisë Demokratike në Vlorë, ka bërë të ditur se tërhiqet nga gara. Në një mesazh për demokratët, Cakrani falenderon mbështetësit për besimin dhe inkurajimin, duke theksuar se angazhimi i tij në parti nuk ka qenë kurrë për një karrige.

Ai shprehet se forca për ringritjen e PD në Vlorë qëndron tek demokratët dhe i bën thirrje të bashkohen për interesin e përbashkët. Në të njëjtën kohë, Cakrani shprehet i qartë ndaj ish-drejtuesit të qarkut, Bujar Leskaj, të cilin e quan “shkaktarin kryesor të gjendjes ku ndodhet sot Partia Demokratike në Vlorë”.

Cakrani përfundon mesazhin duke theksuar se do të mbetet pranë demokratëve vlonjatë dhe i gatshëm të kontribuojë për forcimin e strukturave të partisë dhe vlerave demokratike.