Pronari i kompanisë muzikore ONIMA, Erkand Shabani, paralajmëroi një padi ndaj këngëtarit G-Bani dhe disa të tjerëve për shpifje dhe nxitje dhune në lidhje me çështjen e artistit Besart Kelmendi – Gjesti.

Përmes një videoje në Instagram, G-Bani iu kundërvu ashpër Shabanit, duke e quajtur “skllavopronar” dhe duke theksuar se artistët nuk mund të mbahen me zor. Ai shtoi se qëndron pas çdo fjalë që ka thënë dhe mbrojti Gjestin, duke thënë se nuk e meriton të jetë në burg.

“Krimi im është që e kam quajtur skllavopronar dhe kam thënë se Gjesti nuk e meriton të jetë në burg. I qëndroj fjalëve që kam thënë”, deklaroi G-Bani.

Ai akuzoi Shabanin për përgjegjësi mbi situatën e Gjesti, duke thënë se në vend që të gjenin një gjuhë të përbashkët për të mbrojtur artistin, Shabani ka vepruar si “përbindësh dhe diktator”, duke tentuar të shkaktojë dëme për të mbrojtur vetveten dhe iluzionet e tij.

Situata ka tensionuar më tej marrëdhëniet mes artistëve dhe kompanisë, ndërsa çështja pritet të vazhdojë në plan ligjor.