Ish-presidenti amerikan, Donald Trump, në një deklaratë të publikuar në rrjetin social Truth Social, tha se nuk e çudit që shumica e vendeve anëtare të NATO-s nuk duan të përfshihen në një operacion ushtarak kundër Iranit.

“Shumica e ‘aleatëve’ tanë të NATO-s i kanë njoftuar Shtetet e Bashkuara se nuk duan të përfshihen në operacionin tonë ushtarak kundër regjimit terrorist të Iranit në Lindjen e Mesme, pavarësisht faktit që pothuajse çdo vend pajtohet fuqimisht me atë që bëjmë,” tha 79-vjeçari.

Trump shtoi se për këtë arsye SHBA nuk ka nevojë për mbështetje nga aleatët:
“Fatmirësisht, ne i kemi dëmtuar shumë forcat ushtarake iraniane – marina e tyre ka zhdukur, forcat ajrore kanë zhdukur, mbrojtja ajrore dhe radarët janë zhdukur, dhe, më e rëndësishmja, liderët e tyre në pothuajse të gjitha nivelet janë zhdukur dhe nuk do të na kërcënojnë më ne, aleatët tanë në Lindjen e Mesme ose botën! Nuk na nevojitet dhe as nuk duam ndihma nga vendet e NATO-s – kurrë nuk e kemi dashur! Po ashtu, Japoni, Australi ose Koreja e Jugut. Në të vërtetë, nuk na nevojitet ndihma e askujt,” përfundoi ai.

Shtetet kryesore të NATO-s kanë refuzuar të ofrojnë mbështetje, duke theksuar se aleanca nuk duhet të përfshihet direkt në konflikt.