Labinot Nimani ka komentuar publikisht qëndrimin e Fifit pas mbrojtjes së kompanisë Onima, menjëherë pas arrestimit të Gjestit. Ai e ka cilësuar qëndrimin e saj si një akt guximi, veçanërisht në një kohë kur linçimi virtual është bërë norma, dhe presioni publik mbi çështje të tilla është i madh.

“Problemi më i madh i shoqërisë sonë mbetet fakti që ende nuk dimë të pranojmë mendimin ndryshe. Sapo dikush del nga pritshmëritë e turmës, nis menjëherë gjykimi dhe sulmi,” shkruan Nimani, duke vlerësuar faktin që Fifi foli hapur për bashkëpunimin korrekt që ka pasur me Oniman gjatë viteve.

Ai veçoi edhe një pjesë të reagimit të Fifit:

“Para se më nënshkru kontratën e kam lexuar me avokat dhe jam shumë e qartë për nenet dhe ligjet që duhet të respektohen.”

Sipas Nimanit, kjo është një kujtesë e thjeshtë, por e rëndësishme, që përgjegjësia është individuale dhe kontratat nuk duhet të nënshkruhen pa u lexuar me kujdes.

“Bravo Fifi!” përfundon komenti i tij, duke theksuar transparencën dhe qartësinë si vlera që duhet të respektohen.