Ish-finalistja e Big Brother VIP Kosova, Elijona, ka ndarë një mesazh tejet të ndjerë në rrjetet sociale, duke kujtuar xhaxhain e saj që humbi jetën tragjikisht disa ditë më parë në Gjakovë.

Ngjarja e rëndë, e shkaktuar nga armë zjarri, ka tronditur familjen dhe të afërmit e saj. Përmes një postimi në Instagram, ajo shprehu dhimbjen e thellë për humbjen e papritur, duke theksuar se kujtimi i tij do të mbetet gjithmonë i gjallë.

“Plumbat e morën jetën tënde, por kurrë nuk do ta vrasin kujtimin dhe forcën që na le pas. Do të më mungosh gjithmonë dhe kujtimet me ty do t’i mbaj përgjithmonë në zemrën time. U prehsh në paqe agji im”, shkroi ajo.

Postimi, i shoqëruar me datën 16 mars 2026, ka prekur ndjekësit, të cilët kanë reaguar me komente ngushëllimi dhe mbështetje për të në këtë moment të vështirë.