RADHIMË – Mëngjesin e kësaj të premteje, Inspektorati Kombëtar i Mbrojtjes së Territorit (IKMT), i shoqëruar nga shërbimet e Policisë dhe Forcave të Ndërhyrjes së Shpejtë, ka mbërritur në zonën e Radhimës për të nisur prishjen e disa objekteve.

Sipas informacionit paraprak, pritet të shemben pesë objekte, përfshirë katër banesa dhe një restorant, ndërsa banorëve u është dhënë një afatë dyorëshe për të liruar ambientet.

Banorët e zonës kanë shfaqur kundërshtime ndaj ndërhyrjes, ndërkohë që autoritetet kanë njoftuar se veprimet po kryhen në përputhje me ligjin dhe vendimet përkatëse administrative. Operacioni pritet të vijojë gjatë ditës, ndërsa situata monitorohet nga forcat e policisë në terren.