Presidenti i Iranit, Masoud Pezeshkian, u ka bërë thirrje vendeve të rajonit që të mos lejojnë përshkallëzimin e konfliktit nga territoret e tyre, duke paralajmëruar për pasoja të rënda në rast sulmesh ndaj vendit të tij.

Në një reagim në rrjetin social X, ai theksoi se Irani nuk ndërmerr sulme parandaluese, por do të përgjigjet me forcë nëse preket.

“E kemi thënë shumë herë se Irani nuk kryen sulme parandaluese, por do të kundërpërgjigjet fuqishëm nëse infrastruktura ose qendrat tona ekonomike goditen,” shkroi ai.

Duke iu drejtuar vendeve të Lindjes së Mesme, Pezeshkian shtoi: “Nëse doni zhvillim dhe siguri, mos lejoni që armiqtë tanë ta zhvillojnë luftën nga tokat tuaja”.

Tensionet në rajon janë rritur ndjeshëm pas sulmeve të përbashkëta të Shtetet e Bashkuara të Amerikës dhe Izraeli ndaj Irani, ndërsa përplasjet kanë vazhduar me kundërpërgjigje me dronë dhe raketa.

Situata mbetet e paqëndrueshme, me rrezik të lartë për përshkallëzim të mëtejshëm në të gjithë rajonin.