Rreth orës 15:30, shtetasja E. L., 30 vjeçe, është paraqitur në poliklinikën e Kamzës për mjekim, pas dëmtimeve të shkaktuara nga një saçmë gjahu.

Grupi Hetimor ka identifikuar dhe shoqëruar në Komisariat shtetasin N. Sh., 73 vjeç, banues në Laknas, i cili dyshohet se qëlloi me armë gjahu për të larguar një kafshë, por si pasojë e plumbave është dëmtuar në fytyrë 30-vjeçarja, e cila ndodhej në oborrin e banesës së xhaxhait të saj.

Pas marrjes së ndihmës mjekësore, e dëmtuara u kthye në banesë. Policia vijon hetimet për dokumentimin e plotë të ngjarjes.