Policia greke ka goditur një rrjet të trafikut të drogës në Athinë, duke arrestuar tre persona të moshave 59, 50 dhe 35 vjeç. Të ndaluarit përballen me akuza për posedim dhe shpërndarje të lëndëve narkotike.

Gjatë kontrollit janë sekuestruar mbi 26 kilogramë kokainë dhe më shumë se 360 kilogramë marijuanë, të përpunuar dhe të papërpunuar, me një vlerë të tregut prej rreth 2.5 milionë eurosh.

Hetimet kanë nxjerrë në pah se droga ishte siguruar nga 59-vjeçari, i cili vepronte për llogari të 50-vjeçarit. Shumica e materialeve narkotike u gjetën në një magazinë dhe një apartament, ku u zbuluan edhe pajisje për paketim dhe shpërndarje.

Policia konfirmon se hetimet për këtë rast vazhdojnë, duke synuar zbardhjen e plotë të rrjetit kriminal.