Kisha Ortodokse ka publikuar manualin tradicional për lyerjen e vezëve të Pashkës, duke rikujtuar edhe simbolikën e kësaj praktike të rëndësishme fetare.

Sipas udhëzimeve, në E Enjtja e Madhe lyhet një pjesë e vezëve të kuqe, zakonisht për çdo anëtar të familjes, për disa të afërm dhe një vezë që ruhet në shtëpi deri në Pashkën e ardhshme si simbol bekimi.

Ndërsa në E Shtuna e Madhe, familjet mund të lyejnë më shumë vezë, si për konsum ashtu edhe për t’i dhuruar të tjerëve.

Përbërësit kryesorë:
• Bojë ushqimore për vezë
• 25–30 vezë (ose sipas dëshirës)
• 6 gota ujë të vakët
• 1.5 filxhan kafe uthull
• Pecetë me vaj (lulëdielli ose ulliri)

Kuptimi i traditës
Sipas Kishës, veza përfaqëson jetën e fshehur që shpërthen dhe del në dritë, ndërsa ngjyra e kuqe simbolizon flijimin e Krishtit, por edhe fitoren dhe gëzimin e jetës mbi vdekjen. Lëvozhga e vezës lidhet simbolikisht me varrin e Krishtit, që u hap për të dhënë jetë.

Një nga gojëdhënat më të njohura lidhet me Maria Magdalena, e cila pas ngjalljes së Krishtit i dhuroi vezë të bardha Pilatit. Sipas tregimit, ai dyshoi në ngjarje dhe tha se do ta besonte vetëm nëse vezët bëheshin të kuqe – dhe menjëherë ato ndryshuan ngjyrë.

Kjo traditë vazhdon të mbetet një nga simbolet më të forta të festës së Pashkës për besimtarët ortodoksë.